كلك شموخ - فيصل بن تركي ال سعود

تونا ما اروعك الليل بأول شبابه
يوم طاب السهر وش عجلك بالرحيل

جيت كلك شموخ وكبرياء ومهابه
جيت شوق ومشاعر في زمان بخيل

جيت وخيل الحروف تخوض حرب الكتابه
كل ما مات حرف حرف يصل صهيل

جيت في موق عيني دمعتين وسحابه
شف عروق القصيده ظاميه لو تسيل

جيت حالي حزين ليل هم وكآبه
وبالمحاني جروح من زمان طويل

جيت ياحلم عمري شوق والليل جابه
واشرقت في ظلام الياس شمس الأصيل

كل ليلة تجيني جيتك لي تشابه
في عيوني خيالك مر ماله مثيل

بس هالليله اللي فيك سر وغرابه
رحت من قبل اضمك مسرعك بالرحيل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر