الشعر غالي وعندنا له وساما
أكتْبه في دمي وعندي بمقياس
منقوش في صدري بحد الحساما
من قبل ما أحس بالفكر هوجاس
أحس بطعونه وكنها السهاما
تعصر شراييني وتخنق بالأنفاس
يجتاحني ليلٍ بجنح الظلاما
لاخالط اهدوئه بعتمات الأدماس
واليوم عيني حالفة ما تناما
بيني وبين النوم حايل وحراس
هيّضني اللي مفرداته حشاما
يشكي شوق للوطن دار الأطعاس
يرسل سلام مثنيا مع سلاما
مع نوحة الورقا والا هب نسناس
لا هو بالغزل ولا هو بغراما
أسمى شعورٍ خط في وسط قرطاس
من غيرها بلادي ديار النشاما
أهل الكرم والجود مطنوخة الراس
هيض شجوني يا عرب هالغلاما
لا باس يا وليدي انا أقول لا باس
خمسة شهور كاملات تماما
جعل السفر عليه بأفراح واوناس
يالله يا منشي حقوق الغماما
يا خالق هالكون كله مع الناس
ياللي ملهمني بعذب الكلاما
يا معطّر شعري بوردات الاحساس
يالله تحفظ لي عيال كراما
أولاد زايد طيب الأصل والساس
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.