اعذب الحب - خلف بن مرزوق العازمي

ياحبيبي لاتبيبع الحبيب اللي شراك
من سقاك الحب في كاس وانته تشربه

روف و اوف و شوف حاله تردى من جفاك
شوف جسمه انحل والمنام محاربه

انت طب اللي خطاويه تتبع ال خطاك
مير بالاقفاي والصد صرت اتعذبه

التمادي بالتغلي ينقص من غلاك
تخسر اللي صرت حبه بدل ماتكسبه

والتكبر ياحياتي ينزل مستواك
وانت في عيني كبيرآ وقلبي ترهبه

وش تغير فالهوا ياعسى ربي رعاك
ليه في يومن وليلة هوانا تعطبه

كان حبك لي كذب وان هذا من غواك
سجلوها عن خلف(اعذب الحب اكذبه)

لو يشوهك الكذب انت في عيني ملاك
بس واصل كذبتك والعب الحب العبه

© 2024 - موقع الشعر