عسى ماتعنيت ؟

ترجمت لك مشاعري لين ملّيت
ابغاك تفهمني وعيّا غرورك

ناديت لك عبر القوافي وصدّيت
الصدّه اللي ذكّرتني حضورك!

بمسلسل احلامك تحمّست وابليت
ياللي بدور الواقع اتقنت دورك

مرّيت قدّامي ولا تقل مرّيت
مادري علامه مايطوّل مرورك

ماكنّك الا برق مزنٍ تلاليت
تجهر عيون الناس من قوّ نورك

يامتقن الصدّه عسى ماتعنّيت؟
صدّة عيونك ماتمثّل شعورك

مع (القناعه) تنتهي مشكلة (ليت)
ويصير حزنك من دواعي سرورك