مجلس الغيبه .

لـ محمد البياضي، ، في الانشاد والشيلات، آخر تحديث

مجلس الغيبه . - محمد البياضي

يا مجلس ٍ من دون عمدان
ووتاد
ركايزك ماهي ولا هي
كليفه
ما فيك لا دله ولا فيك
براد
ومعزبك عمره تعدا
النصيفه
يا مجلس الغيبه وللنم
مقعاد
من جاك بيدينه مجوًد
رغيفه
مجلس نميمه مانت مدهل للاجواد
اهل الوفاء واهل النفوس
العفيفه
اهل الشكاله روس وابطال
واسياد
بيض النوايا والقلوب
النظيفه
ربي رفعهم واعتلو روس
الاشهاد
اذكارهم فوق الجبال
المنيفه
صفيت ضمايرهم على نور
يزداد
تاريخهم حافل بسيره
شريفه
ذولا يشومو عنك يا سم
الاكباد
يا مجلس ٍ بك كل نفسً
ضعيفه
يا مجلس طياح الهلايم
والاوغاد
قوم النفاق مسودين
الصحيفه
يتجمعو بك من قريبين
وابعاد
للنم ماهو لجل كرمه
وضيفه
ما بين كذاب ومنافق
وجحاد
هذا خوي هذا وهذا
حليفه
ومنسقين الوضع مع كل
مرتاد
وان غاب ريسهم ما غاب
الخليفه
ويورّثون الطبع هذا
للاولاد
واحفادهم يتوارثون
الكسيفه
سود الوجيه يقودهم غل
منقاد
كبيرهم لا فرق الشمل
ريفه
كلاً يعرض بضاعته كيف
ما راد
ويجيبها على مزاجه
وكيفه
يختار له خّير على الطيب
معتاد
ويحط فيه من العلوم
الصخيفه
واطًيبهم اللي يحضر وعلومه
جداد
والاطيب اللي في قفى الحر
سيفه
بهروج تقدح بالقفى قدحت
زناد
ماهي بشغل ولا نقاش
بوظيفه
هروجهم مردودها بغض
واحقاد
واقلها من الخل تفرق
وليفه
لها صدى يدعيك في حرب
وجهاد
ياصل لقطع الوصل من دون خيفه
ياما وياكم شتتو جموع
وافراد
ويا كم عيون ٍ من سببهم
كفيفه
نيرانهم تحرق وتاكل
بالاجساد
ماهو بحطب ومولعينه
بليفه
نيران ترث ثار ولعقب
الاحفاد
يظل اثرها جروح ماهي
طفيفه
زمره لها بالخبث منهل
وميراد
منهل خبيث كبودهم
ما تعيفه
وبغير مجلسهم ترى جوهم
هاد
يتظاهرو بخلاق زينه
لطيفه
وان شفتهم بزواج والا
بالاعياد
اوادم وتحمل دمي ٍ
خفيفه
لك يذكرون الطيب والملح
والزاد
وما بيت واحدهم وصلت
لرصيفه
تغتر فيهم كنهم صفوة
عباد
ونفوسهم تقبل على كل
جيفه
مخافة الله عندهم مالها
ماد
متوقعين الموت ما يمر
طيفه
متجاهلين الحشر للكل
ميعاد
لهل النفوس الراضيه
والمهيفه
وواجب علينا نبذهم عاد ما
عاد
جرح النمايم غير نوقف
نزيفه
© 2024 - موقع الشعر