مساجله بيني وبين الشاعر / محمد احمد مليسان القبيضي .

البدايه من الشاعر/ محمد احمد القبيضي :
 
 
يامن لقلب ٍصار للشوق مدهال
وعزي لقلبي يوم كثرت شطونه
راحن به الخفرات بقفاي وقبال
الله يخون القلب ربي يخونه
ولي جار مثلي حالته كنها الحال
مخأيل ٍبرق ٍتقافت مزونه
لكن ما يطري هو رجل غربال
وهو يعرف الليّ من ورى الماء ودونه
والليّ يشوفه شأيفه لو ينطال
مثله تراني ميت ٍمن غبونه
طير ٍولكن طير والطير قتال
لكن ماني داري ٍعن زبونه
والطير يا محمد ترى طير رجال
مشبوك لن مبرقعات ٍعيونه
مطبع ٍما تذيره كثر الازوال
نفسه على مابان ليه طمونه
لكن انا ياصاحبي مالي ومال
ووش ليه في طير ٍعراض ٍ متونه
حتى ولو حدت على الدرب رحال
مابغى اراجع ع ضميري حزونه
وصلات ربي عد ما هل همال
على نبي ٍوامته يتبعونه
 
ردي :
 
لاباس يا قرم ٍمن الهم مكتال
جوف الضماير زايدات ٍشجونه
البيض حدنه على حامي اللال
اركن عليه ونفس الاقشر حنونه
يامحمد الاحمد ترى الشوف قتال
لامن عذاب اهل الشقا حيل دونه
وان كان مالك مع الهوى البال مدخال
خله ومثلك ما تغره خمونه
سايف عنه ياطيب الفال منحال
مالك وماله لا تدخل بشونه
لا تغرك النظرة على كل ابو حال
والليّ تبي كل الخلايق يبونه
من حيث انا لو عتم الجو بخيال
ما خيل برق ٍ زال ٍ عن حتونه
والبيض مأيبغى لهن شرح وسوال
تاريخهن كلن عرف كيف لونه
وانته من الليّ له مع الواو والدال
مشوار ماكل الملا ياصلونه
والخاتمه مني تحيه لمن قال
لعل راسه ماتجيه الهونه