عسى ربي يشافيها

سلامتك يا غلاة الروح وما فيها
سلامتك من كل شر(ن) على حده

يا غالية صحتك كل (ن) يحاتيها
اقلقتي اهل الرياض وحايل وجده

الكل يدعي عسى ربي يشافيها
ويزيح عنها الهموم ويذهب الشده

الله يفرح (تهاني) بشوف غاليها
متعافيه وما هي على الغير منحده

ام(ن) رحوم(ن) عسى ربي يجازيها
خير وجنان ورضا من صاحب المده

تصبر ولا تبدي على الناس خافيها
يا الله عساها دوم ما هيب منضده

طيب وكرم واخلاق بانت مواريها
تقبل على الزعلان ولا تعرف الصده

لها غلا بالقلب ما حد(ن) يوازيها
يا حظ منهو طاعها جد من قده

انتي وجودك على الدنيا يضويها
جعل المرض يجفاك روحه بلا رده

جعل الذي صابك يكفر بواقيها
ويشفيك من كل العلل جمعه وعده

23 – 10 – 1435 ه