رسالتي - بدر غريب المزيني

يامن يوصل رسالة بدر لاصحابه
مع احترامي ومع شكري وتقديري

من يعتبرها كتابة هاوي كتابه
استسمحه عن خطا حرفي وتقصيري

ومن يعتبرها دعابه ماهي دعابه
رسالة محتواها فيض تعبيري

ومن يعتبرها ملف فك دولابه
لايحاول يأول افكاره لتفكيري

لومن تساوى قدم يمناي مضرابه
صيحت جمهوره بقومت جماهيري

وكل ضرب ساحة الميدان مشعابه
مابين فازع وبين مصدومغيري

العاقل يقول وش وداه وش جابه
والجاهل يباري لشعف المعاصيري

طرق النحا والمعايا مابه كسابه
حسب اعتقادي ومفهومي وتصويري

للي كسبها طلابه راعي طلابه
ماهي غنيمه بختها يدوره غيري

ماني من اللي على المقروديدعابه
اللي نصيبه من كبار المخاسيري

انا بسجية بصير الراي وادابه
آردعدوده ومصداره مصاديري

متورث سلم لابه حيها لابه
عن واجبي ماتقدم بالمعاذيري

اشره واشرّه وتوردلي ولاجابه
عذري من العاقل الواقع وتبريري

وغيره لعله يقول اخطاه ماصابه
مادام فكره مايصل حدتفسيري

يرتاح والايموت بحرقة اعصابه
تبقى العصافيرفي عش العصافيري

ماكل طير يدمّي ضرب مخلابه
ان كان ريشك يضفك طير ياطيري

خل الاسد في عرينه يحكم الغابه
وخل الحمل يبرك ويشتاله بعيري

وخل الحرايب يجي للحرب حرابه
وخل الكرم مانت حاتم للمساييري

وخلك على مانت لاتفقه ولاتابه
ياحامل المسك مدري نافخ الكيري

الشر والخير من بابه و وبوابه
ولياانكفى الشرعني فدوتك خيري

ماكل ناشد عليه نرد في جابه
العابره ماتضيق لي معابيري

ان كان نقص الرجل يوفنّه ثيابه
يازين ثوبك لزريت الازاريري

واذا الهوا روحت بالبيت واطنابه
ياحيلة الله من صدوف المقاديري

كل يمينه جنت ماقدم حسابه
يامغطي البير لايكشف غطا البيري

اطلب عسا الشرعنا ينقفل بابه
ولك احترامي ولك شكري وتقديري

© 2024 - موقع الشعر