نبض القوافي

نبض القوافي وانت يانبض الخفوق
دايم على درب المحبّين اخويا

الحبّ مثل الدمّ يجري بالعروق
طبعاً اذا مافيه نصب ولا ريا

أصله مودّه بين عاشق ومعشوق
وافضل ما فيه انّ المحبّين ابريا

أما محبّه كلها معنى وذوق
ومسيّره على قوانين الحيا

والا بلاش نسمّي الاعجاب شوق
ونصير محسوبين ضمن الاغبيا

البعد بين الحبّ والعطف السبوق
بعد الفقارى عن رصيد الاغنيا

ياهل القوافي سجّلوا حفظ الحقوق
والنعم حصريّاً فقط للاوفيا

والخاتمة عد المخايل والبروق
صلوا على محمّد زعيم الانبيا