برقع الصمت

ناظر بعيني .. وشف وشلون اشوفك
اتعرف وشلون الغلا .. والموده

اولات الحب ... رغباتك وخوفك
والشعور اللي .. تهابه .. ماترده

حسرةٍ لي صارت .. احراسة اظروفك
كل درب يمة العاشق .. تسده

الخيال .. الخصب لامن جا نكوفك
صوب من تهوى دخيل الله .. وده

ارسله مندوب من لمسة .. اكفوفك
يمسح ادموع الذى.. دمعه بخده

او لي امن الحيا .. مارى كسوفك
برقع الصمت المدوي عنك .. اشده

ياحسين الخلق .. ياتارف وصوفك
مد حبل الود للمجروح مده