صوب الحجاز - خالد بن نويفع السميري

ياصاحبي طول السنين ابعدنه
بيني وبينه طايلات المشاوير

صوب الحجاز اللي بعيدن مطنّه
ومن دون شوفه ماتجوز المعاذير

العين عين اللي بدا روسهنه
عين اشقرن مبداه روس المزابير

فرخن قرانيس الحلي علمنه
اشقر وفيه رسوم ريشن مغاتير

ليا بدا وقت العشي راس قنه
من النويع يستضيح المخاضير

وشاف الحباري بالنظر وجذبنه
واهوا على جول الحباري مدابير

سبق جناحينه اليا خالفنه
باطرافها كنه تناغم صفافير

وطارن في صوب الهوا وشلعنه
وارهى على الملحاق وهنه مطايير

وتفاختن الراي يوم اونسنه
اللي هوت واللي تذرت عن الطير

وشرب الهوا مستفردن خربهنه
وطقّه بصياد الكفوف المواخير

وتجالدن افوات يوم اعقبنه
شافن ملحاق الوحش عرقل السير

© 2024 - موقع الشعر