نصيحه للبدو - خالد بن نويفع السميري

يابدو شد الحيل جوكم هل العطل
الن جاها في السفر مايعوقها

السبرمانات الجدد جات مقبله
باهل الكويت اللي وساعٍ حلوقها

واهل الرياض نشوف منهم عواين
ناسٍٍ ليا جوكم عطوها حقوقها

ليالفوكم يالاجاويد رحبو
اما غياب الشمس والا شروقها

وقوموا لهم بالما مع الظل والعشا
وتكلفوا عند الصباح ابريوقها

سلومكم تمشي على مذهب العرب
وسلومهم تمشي المره قدم شوقها

وليا عزمت الرجل فيهم طبيعه
ماعنده الا تم لو مايذوقها

ناسٍ تبا عن ماكر الحر ماكر
على تميّعها وقلة وفوقها

ماودك ان الكيف يعبا لمثلهم
ولا ودك ان السمن يدهن اشدوقها

وحنا ليا شفنا الطبايع تغيّرت
عوج المذاهب من يرقع افتوقها

الخردله والحنظل المر والعشر
تناشعت بالطين والما عروقها

وهذاه وقت الخبل والعبد والمره
اللي منوّل قاضبتها ربوقها

تطلقت منها الشرك لاتعمّرت
ولا وفق الله عالمٍ باه سوقها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر