كل البشر في صوب وانتا على صوب
فوق النجوم هناك تلمع لحالك
تفداك من لبست على جسمها ثوب
ومن قال لبناخيه ميل عقالك
لا يابعد عنتر وعبله وشيبوب
ولا يابعد عمك وبيك وخالك
ياقبلة الله والحلا فيك مصبوب
من تحت قاعك فوق لرقا سمالك
يامنبع الريحان يامسك مكبوب
ياشف من حلمن طرا في خيالك
ياريحت النعناع ياعنق غرشوب
لا وا هنيه لنطوا فيه شالك
مافيك يانبع المزايين عذروب
غمازتينن بس زادن جمالك
لبيه ثم لبيه لا جيت بسلوب
ومنين مالقيت كلي فدالك
قلبن يحبك لا تخليه مغلوب
عاد انت راعه دام كله حلالك
راعه من الحساد والطفق والعوب
وشين يودينا سوا للمهالك
خل السوالف بينا دايم اتذوب
خلها تنثر في ضواحي دلالك
خليني ادله في جمالك ولا توب
وسط الفياض وتحت غيمت وصالك
اقولها والقلب فالنار مشبوب
ياحظ عمانك وياحظ خوالك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.