بعض البشر يلبس الشرهه على راسه

لـ حسن عامر، ، في غير مصنف، آخر تحديث

بعض البشر يلبس الشرهه على راسه - حسن عامر

بعض البشر يلبس الشرهه على راسه
يشتلها من على البيداء ويرفعها

خالي من الطيب من راسه الى ساسه
والحنظله دوم يسقيها ويزرعها

دنفوس منحوس ضاري بالتدنفاسه
كورة مع الناس بالاقدام تدفعها

وياكثر غله مع حقده ووسواسه
صفات الانذال في نفسه مجمعها

وبنّه وهيله ومصفاته ومحماسه
للضيف والجار ماعمره يطلعها

ان شاف مبسوط حال يصيبه اعماسه
لارزاق كنّه من جيوبه يوزعها

ياقل باسه ولو يقدر كثر باسه
لوكان له حيل بارض الله يقوقعها

على رجال الوفاء والطيب متراسه
وبغيبة الناس نفسه مايجوعها

الوقت ماعلمه حكمه ولا دراسه
مثل البهيمه تعشا في مراتعها

يالله لا تقرب احساسي من احساسه
وكل العلاقات به ياربي اقطعها

حسن عامر آل عيسى
© 2023 - موقع الشعر