الا ياقلب - خالد بن نويفع السميري

الا ياقلب لاتشفق بشوف مشاهد المقفين
ياشين مشاهد المقفين لو انك تزاينته

لو ان السيل يكنفهم جعلهم ربهم مضمين
يشيّب فيهم الرجال والدركه مقارنته

ولو ان البيع فيهم يبتدي ماجالهم تثمين
اليا حرج محرجهم يطش الله زباينته

ولو إنا نجري التحقيق معهم كل بادي حين
على رفع البنا مامنهم اللي جاب بينته

خبيثين القلوب اللي على ساس الردا ماشين
عسى راع الردا بالخير ماتعتز عينته

يحارب رفقة الطيب ويرغب رفة الثانين
وكثير اليا وجدنا منه وشلونك وكيف انته

رفيقك من على جنبك لو انه من هل البحرين
اليا بانت عليك ارواع جاك وقال انا وانته

مطاليعه يسرنك وماسد السناح يبين
ونظافة قلبه الصافي عن الوجعات صاينته

ورفيقٍ يدرق مانجعله من جملة الحيين
نعده ميتٍ حتى تسد الحلق حاقنته

قوانين العرب وسلومهم يوم انهم صاحين
يخلون الردي في عثرته ماتنوخذ بنته

لكن اليوم جبنا الما وصبيناه فوق الطين
على وصف الدمار بحكمة الخلاق واسمنته

وشفنا عقب هذا في كثير الناس شيب العين
يبين الشيب في راسه وهو ماشاف خاينته

يخلي خانة الميّه ويرغب خانة العشرين
خطاه مع المطامن عن حجا العليا مطمنته

ودروب الناس في الدنيا جعلها الله تجي قسمين
تقسمها ملايكته على السيات واحسنته

احد منهم يبا الطلعه واحد منهم يبا التطمين
ودوام الله يدوم وكل مخلوقٍ على جنته

عسى مع كل دربٍ يرضي الله مع رضا الولدين
يمشينا ومن يبغى دروب الهيم هيمنته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر