ماجور ياقلب - بنت القبيلة

ماجور يا قلبٍ غدى به زمانه
ما بين ناسٍ ما تعرف المواجيب

ياما وفا بالود وابدى حنانه
وياما تبدى للخبيثين بالطيب

وياما صلح ما بينهم بالرزانه
ليمن نطق قولٍ فلا فيه تكذيب

خل الردي لازم يشوف المهانه
بيجيه يوم ايشوف فيه التعاجيب

هذا جزا من سار درب الخيانه
لابد به يوم يرى فيه تعذيب

صعب على الخاين يصون الامانه
ويوفي بوعدٍ وثقوه المعازيب

لانه تبع درب الخطا واللعانه
ورابع صديق السو شين العذاريب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر