ذاكرة مدمعي

تاقتْ عْيوني لشوفك ياوليف السنين
يالمترف اللّي رسمتك في جدار اضلعيْ

لازلتْ احبك وفي قلبي سوالف حنين
يكبر بي العمر والتحنّان يكبر معيْ

يسولف الطرْس عن وجد القلم سين سين
واْتنفّس الشعْر وانبث ذاكرة مدمعيْ

واْعود لاْيااام تحيا داخلي كل حين
واسمعك تحكي وصوتك يحتضن مسمعيْ

يمرّ عمْر الفرح في ساعة العاشقين
كنّه ثواني الألم في حالة اللاّ وعيْ

وبعدها يا طويل الرمش والقذلتين
فارقتني وابتديت اعقْد ليالي النعَيْ

اتعبتني بالهوى والعين في حضن عين
واتعبتني بالمحبةْ وانت ماانته معيْ