وش أكثر حُبِّ ماخلانا نتردَّد..!

وش أكثر حُبِّ ماخلانا نتردَّد
وش أكثر هم يطري الفرقا بايدينا

تِصوَّر مِنْ صَحيت الدمعة بين الخَّد
غصِبْ عنِّي غِيابك صار يحكينا

لو انِّ الشوق يدري بديرتك ورَّد
لوانِّ اليَّم خالي كان يَهذينا

حياتي علِّمتني الوصْل غير الصَّد
مثل ضيِّ العمر لاحلامنا فينا

طويت الخوف لاجل الروح تتوحَّد
لقيت الصمت يجرح حلم باقينا

مِسانا كان لا طال الضما عوَّد
يجي حامي يعانق روح ماضينا

يصير ابعد وانا للشوق أتودَّد؟!
يصير ابقى وانا للضِّيم حامينا؟!

عرفنا كل معنى كان يتنهَّد
صُوَر لو طالت الدنيا تورِّينا

ترا هذا الصبر له حد يتبعَّد
إلى مِنِّك خذيت الحب عدِّينا

تِسهَّل روح دام الوقت يتهدَّد
تهنى دامك انت اللي تخلِّينا