الطير

لـ خالد المخيدش، ، في غير مُحدد

الطير - خالد المخيدش

ياللي تلوموني مع الطير عاني
تكفون بالله يالربع لاتلومون

الطير لامني دعيته وجاني
كني ملكت بحزته مال قارون

أشقى مع طيوري ولا شي ثاني
شقوى شرف لو قالوا الناس مجنون

أدوج بالشعبان قاصي وداني
وأدور الجره مع الروض بالهون

أسلي الخاطر بضحك الثماني
وأجاوب أضلاعن محاديب بلحون

ولا أمسيت ماأنزل بالسهل والطماني
نزلت مشرافن رفيعن ومأمون

وصلحت فنجالن به الزعفراني
وكيفت رأسن من عنى الوقت مغبون

عشيت طيري قبل وقت الأذاني
وصليت فرضي للولي خالق الكون

لا لا تلوموني مع الطير عاني
تكفون بالله يالربع لاتلومون

© 2024 - موقع الشعر