اسكت تراك بخير ياطيب الفال - ماجد عواد السعدي

إسكت تراك بخير ياطيب الفال
كانك من أمرار المقادير ذايق

مبطي وأنا متعومس الفكر والبال
والصدر من كثر التفاكير ضايق

وعيني جفاها النوم والليل بي طال
يوم الخلي في لذة النوم رايق

من صغر سني والثلاثه لي ظلال
همومي وحزني وقل الوفايق

ودنياي تسقيني غرابيل وأهوال
والوقت يزرع في طريقي عوايق

نصف العمر عدا وحالي هو الحال
والصبر عن حده ترى اليوم فايق

وكتمت همي في خفوقي ولازال
يوقد من ضلوعي ويشعل حرايق

وأحايل الفرحه وأنا همومي ثقال
وأضحك غصب بوجيه بعض الخلايق

اللي تمنى شوف دمعي إلياسال
ناس تبي ذلي بشتى الطرايق

إسكت تراك بخير ياطيب الفال
تحمد ربك لو تعرف الحقايق

© 2024 - موقع الشعر