قم سولي فنجال ياطيب الفال - طلال بن نشار

قم سولي فنجال ياطيب الفال
حر ذخرتك لليال المقابيل

برية يطرب لها داله البال
تجلى عماس مبعدين المقاييل

في خائع يعجبك نبته لايامال
متخالط نبت النفل بالغراميل

يرتاح بالى عند حلوات الازوال
ذود يميلنى معه وين مايميل

نمشي على البيدا خفيفين وثقال
في شف وضح يبعدن المناديل

ماهمنا لوقيل بالغرب زلزال
فوق الجيوب مركبين الدرابيل

في شف لبدن طارت الصبح تختال
وخربن نفش ريشه على عينها يخيل

وليا ضوينا باول الليل نزال
نلقى بيوت للمسير مداهيل

لاصك باب ولانقطع بث جوال
اقلط وقدمك فايح البن والهيل

وسوالف يطربلها كل نقال
في مجلس مافيه قال ولاقيل

يابري حالى يالمناعير الابطال
يوم اتذكر فزعة البل والخيل

ويوم اتذكر فاطرا تبني الحال
مرباعها في عاليات الاقاذيل

يابوك هاذى منوة اللى لها قال
سقها على ماقيل ذودك مباهيل

© 2024 - موقع الشعر