تدري وش الي يغبن الرجل ياسعود !!!

تدري وش الي يغبن الرجل ياسعود
أنك تجاري لك من الخلق رمه !

وأنك تجازي لك من الناس مقرود
هم المطايا السارحه مثل همه

ويعرف مرادك كل حاقد ونمرود
وتبي الجماله عند بياع دمه

تسقى بيديك الناس حلون وقرهود
وترجع دليك بالغثاء مدلهمه

تراء العطايا عندنا مالها حدود
كنك مع الانذال ترمى بجمه

تصدر مغاتير وترجع لنا سود
نعطي عسل ويرجع مغلف بسمه

ماهمنا الي باخر الركب موجود
شرهاتنا تنصى رجالن مهمه