تدري وش اصعب شي ..} ..!

تدري وش اصعب شي .؟ ... امفارق "الشي ّ "
ألي يعينك عل حياه ومللها

ألي إذا أضميت لاحقك بالري ّ
وأطفى لهيب ٍ خافي ٍ من عللها

شخص ٍ يسوح الحب ما يتركه ني ّ
يشعل شموعك ما يدور بِدلها

ولو زدت به حرقى ونيران معْ كي ّ
راقه ... وحزنك فالمعاليق تلها

ولو جارت الدنيا وحاطتك بالغي ّ
يشطب على جرحك وقربه دولها

شخص ٍ ملك قلبك ولا فيه من زي ّ
ذا ألي شرايينك بقلبك يدلها

ما غيره بنفس العنى جاوز الخي ّ
والعم والابْ ... وبقايا اهلها

بالغاز ينثر وجدنا من رحى السي ّ
فك بطلاسمها ووفى حِلْلْها

يا طير قله غيبته قد طوت طي ّ
ليلي مع صبحي وزهرة املها

قله شروق الشمس ما يتبعه ضي ّ
إلا إذا ردّت كما في اصلها

وقله فلا ظل ٍ من الحزن لا في ّ
اقدر به اتجنب وفاتي ولجلها ..!

"قله" .. حبيبك أصبح بمسرحك شي ّ
آخر فصول الحب بيدك سدلها

وتدري وش اصعب شيّ لمفارق "الحَي ّ ".!!
إنك تعيش بدنيته ومن بِلها