جربت كل شي ولا شي يعجبْك

هذا انت مثل مانا بالأمس خآبرْك
رديت للفعآيل الأوليّه

لا جيت تبعد ../ جيت .. ، يمّي أقرّبْك
وتصدني ..! ! وتترك الهم فيّه

أجيك غيمه .. بالوفآ دوم ابللك
وتجيني صيف ٍ ... زاد بالقلب كيّه

تزيدني زعل ولا يوم أزعلْك
وَاجيك بالحنان والشاعريّه

أهديك فرحي غيره ما كنت أوهبْك
وقهر الرجآل كان رد ّ الهديّه

تقسى وبنكساري أجلس أرآقبْك
مستكثر ٍ عليَّ لحظه هَنيّه

على الكثار ِ دايم الدوم افضَّلْك
وانته عليَّ اتفضّل الأكثريّه

جرّبت كلِّ شَيْ ولا شَيِّ يعجبْك
لا فعلي لا حروفي العاطفيّه

قلي وش اللي دآفنه ابقآع خآطرْك
قلي دخيل الله .. وسَهِّل عليّه

مليت يومي بالزعل بس اعاتبْك
زايد جفآك ما ترفَّق شويّه

دام الوضع من بآدي الوقت عآجبْك
إبعد هنآك وانا ببقى هنيّه