جربت كل اسلوب

ادخل على الله يادخيل الحب من حب دخيل
كذبه غلا ومغلفه بأحلى اساليب الخيال

اتعيش نشوة حب حلوه كنها الحلم الجميل
وتصحى على كلمة حبيبي مابقى عندي مجال

كم كنت أحب بقلب صادق كان يرضيه القليل
ويسوق عقلي من كثر حبه على حد الهبال

اثر الحبايب يادخيل الحب يغنيها البديل
وصارت محبة بعضهم في وقتنا لعبة عيال

أنا غرست امن الامل ورده بأرض المستحيل
ماتت بسرعه دون مايشفع لها كثر الجمال

جربت كل اسلوب خفة نفس في الوزن الثقيل
وجربت خفة عقل بأستهتار بنفوس اثقال

وتركت خيط الغدر للخوان وأخفيت الدليل
عمد اتناسى واترك الكذاب ينسى ويش قال

خليت قلبي في سبيل الحب للعالم سبيل
الين بعض الناس عند الناس يضرب بي مثال

أخشى يصدق حكمة العيار في مال البخيل
ويمكن يطبق منطق الممكن يجي عقب أحتمال

وانا عجزت احتال في ذا الحال مافي القلب حيل
وماعدت اوقف ولتفت للي يصوت لي تعال