لا تطوي أحداث بقعا في ملفاتك
اخذ العِبر صكة الايام مردوده
بتموت ساكت وسبّة موتك اسكاتك
اعذار الايام دايم غير مقصوده
الصمت فرصه اتراجع في حساباتك
والصبر له حد والايام معدوده
ولوفاتك اليوم ماعوضت مافاتك
تذاكر الوقت محجوزه بلا عوده
وراك مخفي همومك خلف نظراتك
رابط حياتك بهمزة وصل مفقوده
من يجهدك ماتأمل في معاناتك
تفكير محدود وسط اعقول محدوده
ان جيت ماجيت ومارحت ماجاتك
معادلة صنع منتج عالي الجوده
عجزت ارقع خيالك في طموحاتك
كيف ابتسامه تجي باعصاب مشدوده
الوضع رغبه اكيده عكس رغباتك
واللغز بدروب سريه ومسدوده
تعبت اداريك وافشل في مداراتك
النقد ممنوع والبيبان مردوده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.