ياصاح لاتشكي جروح المحبين
الجرح يرث جرح لامن شكيته
كم واحد ٍ قفى وأنا طالبه دين
وأنامعه حق الصداقه وفيته
وكثير في قلبي من الناس غالين
لكن ترى منهو نساني نسيته
وترى الغلا مثل الزهر بالبساتين
مع البطى يذبل إذا ماسقيته
ولاتحسب إن كل الخلايق مودين
توك على درب العمر مامشيته
باكر إذا عمرك تعدى ثلاثين
تشوف عينك واقع ٍ ماهقيته
اللي تظنه زين يبدي لك الشين
وتندم على وقت ٍ بجبنه قضيته
وتشوف شي ٍ منه تشيب العين
وتقول أنا ياليتني مارأيته
بعدين تبدي لك لياليك بعدين
وتدرك حقيقة هرجي اللي حكيته
وأنصحك أنا ياصاح صحبة هل الدين
الكل منهم لابغيته لقيته
وأنصحك خلك في صفوف المصلين
وإطلب إله ٍ يستجيب إن دعيته
والعمر رحله والمراجل ميادين
والطيب كايد لكن إني بغيته
أسعى مع اللي دوم للطيب ساعين
والله يحقق لي مرام ٍ نويته
محبكم

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر