من يبي للطيب ما عدم الوسيله
الصعيب يهون لا منك نويته
ولا نصيت انصا شجاعا ساد جيله
ما يخيب هقوتك لا من هقيته
ما يحط العذر دون القصد حيله
يطبخ راسه سطى لامن نخيته
وقفته مهيب في الواجب ذليله
طيبا في المرجله ينذاع صيته
امدح الطيب ولا فيها فشيله
امدح اللي طاب يوم اني بغيته
بيض الله وجه كساب الجميله
الرفيق اللي فزع لي يوم جيته
مطلق ابن خيوط حمال الثقيله
يوم جاني طالب الفزعه نصيته
سقت جاهي هاقين حملي يشيله
شايعا ذكره و قدره ما نسيته
ضابط وشيخاً من شيوخ القبيله
والمراجل و الكرم ورثٍ ابيته
طق صدره صاملاً ما برد حيله
لين هان الصعب واللازم قضيته
ترفع البيضاء لمطلق في الطويله
جعل يسلم طيباً جيت ولقيته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.