بديت باللي فارضي حجة البيت
الواحد المعبود محيً الأجنا
عالم سواة الخلق في كل توقيت
محصى جميع الخلق أنسي وجنا
من بعد ذا يا ركبي فوق 1 8
صنع المريكي صايغي فيه فنا
متوصي بشاصيه والغير والسيت
ولحن الوفا سيور المكينة عزفنا
والدينمو يقدح ويارد على الليت
ومعاوناته للسما شو لعنا
يجذبك صوبه كل ما قبلت وأقفيت
ومشاهده يبري الجروح المكنا
يصل سلامي لطيب الذكر والصيت
كساب فعل الطيب منا ومنا
ينصا على العايد حشا ما تعديت
حلحيل ليا من الصعايب عصنا
إليا أرتكا ماشال حمله جبل هيت
وإليا تجمل ما ذكر فيه منا
يالشعملى لو طاح صاحبك فزيت
لا شان حاله ولا بدا منه ونا
يسمع ويعرف عزوتك لاتعزويت
يركد وحتى علته ترجهنا
من طيب عم وطيب خال أستمديت
طير المراجل يا علي فيك عنا
أنشهد أنك للردا ما توطيت
ولو طالت ثياب الردا ماتعنا
ما قول قولي يا عرب دون تثبيت
من حاضره وأفعاله اللي مضنا
الطيب حي وصاحب الطيب لو ميت
ما مات ذكر الطيبين بزمانا
وصلاة ربي عد ما صبحت وأمسيت
على نبي موثقي شرع سنا
وعداد ما يخطى البشر وعد ما خطيت
وعداد غصني بالهبايب تثنا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.