أهبي هبيتي لا تقولين أف أف
أفي على مثلك ألا يا الضعيفة
من طاوعك يصفق على راحة الكف
لو طال طوعه فالعواقب كليفة
أمارةي بالسوء والكل يعرف
لو انطويتي في خمار العفيفة
يا نفس توبي خلي عنك الملقف
وتوجهي لأهل النفوس الشريفة
تلقين فيهم كل نفسي تشرف
ذكر الولي ومعها العلوم الطريفة
شفت الوجيه الطيبة طيبها رف
ناس أتحدث من ملافظ نظيفة
أما يخوضون بحديثي يشرف
ولا الغنايم عند ربي كثيفة
أما تخاوي مثلهم او تعفف
منم خوة اللي ضدهم يا خليفه
بالك تخاوي صاحب العود والدف
راعي النميمة والعلوم السخيفه
واترك كذوبي بالحكي لاحكى هف
هف القطا لا من غدا فيه خيفة
واترك عريضي للسوالف يخطف
يحرج جنابك وش تبي بالهديفه
وكوبان خله وانتبه معه تاقف
يظلمك من شافك يحسبك وليفه
العوس ترعى منه ممسوسة الخف
ترعى وتقطف كل نبته زريفه
والفرعل اللي شوف قاعه يكثف
هم البدو دايم وحاله كسيفة
الشيص ماسر العرب يوم يقطف
فاسد نباته ما شفع له خريفه
سحم الظهور اليا هجدت ما توقف
تكسب عشاها ما تعشا بجيفه
وان كان يا نفسي نويتي على اللف
والله لحدك للقبور المخيفه
أما أتعضتي واصطففتي مع الصف
ولا الوجع من بيننا بالنصيفه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.