بنو أمية وآل البيت

لـ عبدالعزيز الشاطري، ، في غير مُحدد، آخر تحديث

بنو أمية وآل البيت - عبدالعزيز الشاطري

الانترنت والفضائيات في هذا الزمن
سلاح ذو حدين والعاقل يجوّد مقضبه

لو انّ ضغطة زر في قوقل تزيد من الفتن
واللي يسلم عقله لغيره يضيّع مذهبه

مع انتشار العلم والا كثرته سرّ وعلن
تبقى العقول معشعشٍ فيها الجهل ومغيّبه

تاخذ من التاريخ ما هبّ ودبّ واستكن
بعْقولها من دون تمحيص الخبر وترتّبه

لكن مهما قيل يالمؤمن وذا العقل الفطن
خلك مع البرهان والحجة على من يطلبه

في كل فجرٍ ينجلي بعض الظلام اللي خبن
ثوب الحقيقة .. والحقايق فالسلوم محجّبه

على حساب المجد فالتاريخ والدم الثمن
تبقى به الصفحات في كل العصور مخضّبه

بنو أمية استباحت فيه تفصيل الكفن
من آل بيت المصطفى من عقبه اللي عقّبه

في بيته الطاهر توالت كل أنواع المحن
حسبي عليهم كل ما شرّق زمان وغرّبه

بدا بها معاوية بداية الحكم العفن
الا عمر عبدالعزيز افعالهم ما تعجبه

© 2024 - موقع الشعر