حورية الشعر - فاهد الرشيدي

قال: الأمل ليل / قلت : اب..أنتظر فجره
ما شلت هم الغياب اب.. طول مشواري

يوم إن خد الفجر ورد من الحمره
طعنت ظلمة غلاك وسالت اشعاري

ماني بمن يعجزه بيت الشعر كسره
حوريتي نزف غيم بصفحة القأري

عطني للأمال ظهر(ن) يحتمل وزره
واعطيك نهر(ن) زلال من الوفاء جاري

جيتي وجاء الغيم والهتان والخضره
واينع غصن هاجس الشاعر على اسواري

شميت وردك وطاب لخاطري جبره
واسرف بعطره بعد ما عرف مقداري

أنتي ختام الغلا وبداية القطره
والوصل ليل(ن) غدا فتخومه الساري

تبقين شمعة غلاي وسيرتك عطره
رغم الغياب أنتي اللي يلهم افكاري

وأنك تساوين عندي عالم(ن) بأسره
لكن حقيقة ظروفك واقع اجباري

وداعتك يا ملاك الجرح والعبره
مركب هوانا .. لحالي ناوي ابحاري

الطير لا بعد هداده يرجع لوكره
والواقع المر قسمه من يد الباري

طير الغلا عظم الله يالحبيب اجره
خله / لا دام أنت لا بايع ولا شاري

نصيت قلبي بعدك ودقي لي صدره
إنه يريح ركابي لا أوحش الطاري

من يوم قلت : الرحيل / افراقنا بكره
هذي الحقيقه وهذا وجهها العاري

© 2024 - موقع الشعر