صداقة الموقف :

(صداقة الموقف) عسى عمرها يْطُول
ماهي (صداقة هاي) تمضي سريعة

فيها الأصالة بالوفاء ألماس مصقول
ماهوب مصبوغٍ يغرك لميعه

أما الصداقة فيها الإخلاص موصول
في شيمة الوافين وإلا القطيعة

ما هو صديقي بايع الهرج بالفول
خشمه رفيع بس ذاته وضيعه

ودي ولو بالعين ما أشوف له زول
ما دام هو يرضى علي الهزيعة

صديقي ألي بالفعل يثبت القول
(صديق موقف) بالعمر ما أبيعه

لو فيه عيبٍ طيب الذات مقبول
يأمر علي وأبوس خشمه وأطيعه

جوده وموجوده لعينااااي مبذول
ماهو علي تضيق فيه الوسيعة

والأصدقاء إلي فيهم الخير مأمول
أجواد ما فيهم عيوب الشريعة

لو مثلهم ما بيننا صار مقلول
ما دامها (روح الجماعة) صريعة