يا صاحبي خذلك من العلم مكيال
اللي ينومس لا تبيّن ضهوره
ما ينفع الرّجال جمعه للاموال
دامه غشيمٍ ما يحكّم بشوره
العلم جاب المال من باطن اجبال
هيهات مالٍ جاب علم وبحوره
اوّل دروسك من سما جاك منزال
محفوظ من ربّي وصاين سطوره
ثاني دروسك جاك من سيد الاجيال
صلّوا على من شاع بالصّدر نوره
ثالث دروسك يا رفيقي خذ اقوال
اللّي كساه الشّيب من ضيق اموره
واللي عن الفكر الرّدي صافي البال
واللّي لجل ظيفه عزف عن فطوره
واللي تسابق كلّ قولٍ بالافعال
قومٍ بعزّ الصمت دايم جهوره
ولا يغرّك حسن مظهر والاحوال
ولا يغشّك حسن صوتٍ وصوره
ما كلّ من يركب على الخيل خيّال
ولاكِلّ خيلٍ بالشّدايد صبوره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.