أنفاس المدينة

ليل كتمه يحبس أنفاس المدينه
والضلام اتسيّد العرش ومكانه

والهوا ياخذ سباتي من يدينه
صوب ذكرى هزّت الليل وكيانه

والقناديل المشعه في جبينه
ما ضوا ليلي ولا وضّح بيانه

ريح عجّت والهوا في غير حينه
وش يفيده يوم عج ويوم خانه

يالمدينة ادري انك ما تبينه
وادري انه يسقي سمّه باستكانه

وادري انك تدحرينه تدحرينه
وادري انك دايم قباله جبانه

ليلةِ مرّت عليه بالف ليله
وردّتني حوض ماله اي امانه

جرّها يابن لطيّف في ونينه
جر صوتك دان وادانه وادانه

حتى صوتي صوّت اليوم بأنينه
ناشبٍ فالحلق شوك السيسبانه

الله واكبر ذاعلي فجر المدينه
قم توضا واطلب الله من جنانه

هالبشر ما ترزقك غير الغبينه
اطلب اللي يعدل الحكم وزمانه