الشاعر محمد بن عواد الجوهري ومجاراتي له

لـ محمد البياضي، ، في غير مصنف، آخر تحديث

الشاعر محمد بن عواد الجوهري ومجاراتي له - محمد البياضي

قصيدة الجوهري .
البر ما عاد باقي بر
البر والسوق متشابه
اليوم كله قرى وهجر
والكهربه روس الاشعابه
عقب الشجر شوفته ما تسر
جته المناشير لهابه
خلو عضدهن تقول اكور
ودوه للسوق جلابه
اهل الطمع والجشع والقر
سوو على الديره اعصابه
الله على المخربين اكبر
كلاً بسيفه تهقابه
ما يدرو ان اكبر المنكر
قطع النوامي من اسبابه
لعل من قطعوه اخضر
يقطعه ربي من احبابه
مجاراتي /
البر روح مع هل الكر
والفر ورجال ما تهابه
تكيفو به ببرد وحر
عاشو به ااسود وذيابه
عاشو بعز وخير وشر
والبيت ما ينقفل بابه
بيوتهم من شعر تعمر
من فوق عمدان واطنابه
مدهل لضيفانهم ومقر
لليّ زبنهم يحيا به
منه الحراسات والعسكر
وبه يعطو الحق طلابه
يوم الطبيعه عليها نمر
هذي خميله وذي غابه
والروض يا ما حلا المنظر
زهور وورود خلابه
العشب كاسي ومتنثر
يا منية الليّ ايتمشى به
ويا محمد اليوم شر ومر
سلطه على الضلع وترابه
عقوم فالارض والا حفر
ما تشوف قشعه ولا دابه
وجباله اسماء تحتها صور
ذكرى وتاريخ وكتابه
اما الشجر نشر وتكسر
من شوفه النفس منصابه
سوو به اسواه ما تذكر
كلا له امولم ركابه
من ناسنا وناس تتستر
حماية الدار واجنابه
والعوُد من قبل ما يبتر
لو حاجة الرجل لزهابه
لوكان في حاجته مضطر
ما قصه وللبلد جابه
والاخضر بخص ما يكسر
من قصه ايجي له احسابه
واليوم لحق الكثير الضر
روح الشجر بيد سلابه
نناشد اولاتنا تنظر
فالوضع من قبل يغدى به
وقفاتهم للوجيه استر
للدار في سلم وحرابه

مناسبة القصيدة

قصيده للشاعر/ محمد بن عواد الجوهري عن حالة الطبيعه ومجاراتي له .
© 2024 - موقع الشعر