وينك حبيبي؟!

يا منيتي ؛ وينك ؟! وأنا عنك ؛ ويني؟!
ما أحدٍ يونسني .. ولا أحدٍ يسلينْ

يا بعد شوف (الزين ) عن شوف عيني
يا حسرتي وينك حبيبي ؛ وأنا وين؟!

متى ؛ أجي لك بالغرام ؛ وتجيني؟!
يدعيك بالأشواق داعي ؛ ويدعينْ

يضْوي ؛ لنا ليل الأمل ؛ شمعتيني
إلى ؛ طلبت الله ، معي قولي : آمين

يا رب ؛ شين الوقت فينا ؛ يزيني
ويرفع لنا الاثنين بالوصل قوسين

بالبسمتين ؛ نبادل ؛ الوردتيني
والتوت ؛ والرمان..والخوخ ؛ والتين

باسم الهوى ؛ نلعن إبليس ؛ اللعيني
وأعطيك ؛ ما تبغاه مني ؛ وتعْطين

وأنسى ؛ تحاشي آآهتي لا تِبيني
و(طير السعد) يفل فينا ؛ الجناحين

تأتي ؛ يدينك بالهناء ؛ في يديني
على هوى النسمات بالملعب الزين

فيك ؛ السعادة .. رعشةٍ ؛ تعتريني
لأحزان ؛ ماضي عمرنا نوْفي ؛ الدين

وأحلام ؛ ليلك بالهناء ؛ تحتويني
وأشوفني ؛ وياك.. وسط ؛ البساتين

على التفاهم ؛ بالوفاء ؛ صادقيني
في جونا الرايق على طوْل ؛ صافين

وياك ؛ من كلي وربي ؛ عويني
أمشي ؛ لعينك .. لو تبِي ؛ بالعذابين

تبيعني ؛ وإلا بعد ؛ تشتريني!
وإلا ؛ بعد من وين تبغا ؛ تودين؟!

ما دام ؛ فيك أحس ما أحس فيني
راضين ؛ ما نحسد من الناس (زوجين)

تقول : سِرْ ..وأسير ؛ بالخطوتيني
تقول : وقف وانتظر عام ؛ عامين

بأيامنا ؛ وشهورنا ؛ والسنيني
مع بعضنا ؛ الاثنين .. بالحب وافين

والخاتمة ؛ عفو أرحم ؛ الراحميني
يرجح لنا في يوم نصب الموازين