هجسً يضيّق عليّه لين اعيف المكان
ياخذبي اليا ارتخا جنح الظلام نهوه
ماغير يجمح بصدري مثل جمح الحصان
من غيبه اسهي وانا ماكان فيْ سهوه
كنّه يوصّي على شرد القصيد السمان
اللي ترايع ورا الاظلاع كل ضحوه
عوبً يالو لا النمش و الهيج و الجبخان
ماجاء الها في مطاليق الرجال زهوه
حنا خذينا من التاريخ هاك الزمان
مجدن على امجاد بعض الناس فيه رهوه
نكسب غزيز البل و نقلع طويل العنان
ونجندل اهل السرب عن سرج كل صهوه
ويوم الله اضفا على نجد الامن و الامان
اقصصنا تخلي السامع يجيه شعوه
كبيرنا لو يجي في وسط ذره جبان
اما ذبحه ذبح ولا ينجله ب دعوه
واصغيرنا يحتمي ماوصل عمره ثمان
على علوم الكرم و الطيب فيه شهوه
لا مره الضيف ينشد وين منزل فلان
يقول طالبك حوّل عند ابوي قهوه
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
