ذكرى الزمان

الدافع اللي على شانه كتبت القصيد
بسمه من شفاتها ودمعه من عيونها

مابي من الشعر لا شهره ولا بي رصيد
البيرق الجرح والمليون لطعونها

جرّيت صوتي وجاوبني صداه البعيد
كنه يقول الليالي كفّت ردونها

ياغاليه والزمان العذب واحلى نشيد
وتغريدة الطير والأشجار وغصونها

وصبح اللقا وانتظاري للقا من جديد
ودفترك وأحلام كلماتك ومجنونها

واشيا كثيرة يبعثرها الزمان (ويعيد
ترتيبها) ويتغير شكلها ولونها

خلاص ذكرى الزمان اللي مضى ماتفيد
رغم أننا مانساوي شي من دونها

ويانور عيني بعد عمرٍ طويلٍ مديد
لابد ماتفهم القصة ومضمونها

بكرة تشوف الجبان وكيف قلبه حديد
وبكره تبيح الضلوع الحدب مكنونها

وبكره تشوف النهايه قرب حبل الوريد
وذيك البدايه تشوف أن السما دونها