ذكرى المفارق - عامر الأشجعي

على ذكرى المفارق والتلاقي : والدروب العوج
صحى هاجس شعورٍ : لو غشاه الليل ما نامه

رحلت وباقي الذكرى : سفينة والمدامع : موج
غشى تيارها ماضي : سنين العمر وايامه

رحلت وصرخة آلامي : كست صدر الجريح ثلوج
بعد ماوقفت : نزفه : لحقها خنجر الآمه

نهاية عاشقٍ : لامس : شفايف مالمسها روج
تخالط بلسم : انفاسه : بعد ماطيّح لثامه

عشقها : كثر مايعشق خيولٍ ماعليها سروج
حفظها : مثل مايحفظ بصدره باقي أحلامه

زرعها : داخله ورد وبساتين : وزهر ومروج
كتبها : قصة العشق القديم : وسيرة الهامه

بكاها : والمشاعر داخله : فوجٍ يناطح فوج
مثل فرسان قومٍ : ماتبيت الليل : منضامه

واذا : احدٍ شاف حاله : قال وش عندك : قليل هروج
يجاوب : دايم بخير ويصدّ ويرفع ابهامه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر