هقيت اني انا وياه نبقى فالسنين احباب - احمد بن مطر الهاجري

قبل لا اعرفه جيته وانا كلي رضا واعجاب
اداري صادق احساسي قبل عرفه وانا مخوّل

لقيت ان المشاعر صادقه ماجت بدون اسباب
رضيت وجيتله كلي وانا من شوقي امفوّل

احبه واعشقه واداري الدمعه على الاهداب
وغلاه اللي جرى وسط العروق وصار متجوّل

مشينا في حياةٍ ماحسبنا للفراق احساب
على النيه مشينا وحبنا ما والله مقوّل

نفكر فالسنين المقبله نبقى ولا نرتاب
وفي نظراتنا نرقا ونرقا فوق ما انحوّل

تغايرنا العواذل والفتن واهل الحسد تغتاب
صبرنا واصطبرنا مير عمر الصبر ماطوّل

هقيت اني انا وياه نبقى فالسنين احباب
واثاري عشرته عيّت تكمّل عامها الاوّل

© 2023 - موقع الشعر