فمان الله

فمان الله لا تسال ولا ترجع ولا تشتاق
على درب الفراق ارحل وتكفى لا توادعني

مدامك عقب ذاك الحب بدلت الوصل بفراق
وش اللي باقيً اصلن على وصلك بيقنعني

فمان الله يالغالي واذا كانت على الاشواق
بسلي خاطري بشياء كثيره عنك تمنعني

صحيح اني احبك حيل وحبك داخل الاعماق
ولكن كبريائي لو بغيتك مايطاوعني

وضنك زين تعرفني وقلبي تعرفه لا ضاق
على ادناء شيء مايسعى على لقياه قاطعني

واذا لا قدر الله من فراقك والهجر ماطاق
وسالت دمعتي من كثر ماهو قام يوجعني

طلبتك كل مادقيت رقمن لك وانا مشتاق
ياتشغل خط جوالك / يتقفل قبل تسمعني