الشيخ / سلمان بن حمود الهدلاء بصوت سامي الغامدي

جآبتني الصدفه على غير ميعاد
وجتني على شفي و غايه مرامه !

المرجله و الطيب و سلوم الاجداد ..
و البندق و سيف الهلالي سلآمه !

عند الدواسر قد لها شدّ و شدآد ..
في مجلس الهدلا حليف الشهآمه !

سلمآن جعل الي يعاديه ينقاد ..
بين الرجال مجودينن خطآمه !

شيخٍ صليب الراس ضاري ومعتاد ..
على الوفآ ماهيب رمية غشآمه !

الساطي الي لآ ورد قيل ورّاد ..
مآ قيل وآرد و العزايم حزآمه !

أرفع بهآ صوتي على روس الاشهاد
الرجل يفرض للرجال إحترامه !

وإسمه يدق بخآطري دق الاوتآد
على اسم أخوي الله يرحم عظآمه !

و فعوله تجمّل و طآريه ينعاد
بين العرب يذكر و هو في منامه !

لنّ الرجال أفعال والمرجله زاد
و ينبيك عن عقل الفهيم إهتمآمه !

يآ وين وين الي هوى باله زنآد
والي غثى زيف الحضارات ضامه !

ف الصادرية للمناعير الآجواد
مآ يشرح الخآطر و يجلي عسامه !

المتحف الي كل من يدخله شاد
بالمحتوى والمستوى في نظآمه !

ورث الجدود موّرثينه للآحفاد
ومن يحتميه يزيد عندي مقامه !

ولنّ الولد لآ شابه آبوه يزداد
قدره ولآحدن في شبه بوه لامه !

والشبل من ذآك الاسد ند الآندآد
سلطآن ابن سلمآن رمز وعلامه !

قلته شهادة حق و علومٍ وكآد
ماني مدور من وراها كرامه !

آكبر كرامه شوفة وجيه الاجواد
هو مكسبي والعلم هذآ ختآمه !

ختآمهآ صلوا على محمد آعدآد
هبّ الهبوب وعد وبل الغمآمه !