الاد دامس

والله مايجلا ماتجمّع من الضيق
لامن جاله بالظلوع آصتفاقي

وقامت هواجيسي على فكت الريق
اجلالها مايلتفت للدقاقي

أتحدني للهم حد التفافيق
لطيار جولً راج لا لنطلاقي

قدم الفجر وصلوه حدمً مشافيق
والظهر منهم مابقي له بواقي

معهم طوالً ظربهن فالمعاليق
مابينهن بوصافهن انشقاقي

غير الرجوم النايفات الشواهيق
كبار الدفوف امتعبت كل راقي

عجايبً من صنع رب المخاليق
من دونها ماينثني عظم ساقي

امناطحات اللي تصب الغداريق
رخم المزون اللي مطرها حقاقي

تلعن سوات مثومنات الاراويق
سمر البيوت موجبات الطراقي

دايم واهلها للمراجل مشاويق
ماصكو ابوجه الضيوف الرواقي

مايذبحون الا كبار الاشانيق
حيلن مرقها فالصحن مايحاقي

يردم شحمها من خضار الزماليق
يادوب تاخذها كبار الحلاقي

من زودها يبقا اللحم كن ماذيق
يطفح دسمها مثل طفح السواقي

ادله بها عن مجمع الناس وافيق
امن الهموم اللي تسبب ضياقي

ماشوف غير اللي بليّا مسابيق
شقر الوحوش معربات العماقي

اللي عليها يتعبون العشاشيق
امدورين البرق وصط المتاقي

لاقمت اغنّي من جداد الطواريق
انسآ الهموم مضيقات الخناقي

وتفتحت بيبان صدرً مغاليق
وهاض الخفوق وزوّد الاشتياقي

وقلطت الي هدفن سوات الغرانيق
لو الجمر فيهن مبقن حراقي

خشومهن. يم المثاني مدانيق
ماحاف صبتهن قليل الوفاقي

ماهن يفوّح في بطون الاباريق
من ودق نون بارق له شعاقي

فنجالهن من خنة الكيف لاسيق
يلقابه الظرمان حلو المذاقي

وندار هجس الفكر يم المطاليق
اللي فعايلهم تفك الوثاقي

اليا انطحو جمعن سيوفه لواهيق
ماياخذون الا غزيز النياقي

ويرملون البيض يوم الملاحيق
ومنهم شيوخ القوم. راحت طقاقي

ايمانهم تورد شبات المذاليق
اليا عتلو سرد المهار السباقي

نطل الجماجم فوق روس الصعافيق
من كثرها سوات بيض الطواقي

وقطعانهم ترعا خضار المشاقيق
امن الجنوب اليا عقوم العراقي

الاد دامس يوم فك المواسيق
حمايت التالي نهار التلاقي

افعالهم بالمجد من دون تعليق
من بينهم على المديح اتفاقي

اكابرن يزهابها المدح ويليق
مافيهم اعن الطايلات انفهاقي

لو الهوى هز الغصون المواريق
ماهز جمعن بالتباشير هاقي

على الترابط والوفى والمواثيق
نشيل حملن فالزمن مايطاقي

مايحفظ الجوهر ياكود الصناديق
ولا ينطح الماجوب غير الشلاقي

والذل فالهجران بين المخاليق
والعز فالجمعه وفالاتفاقي