شرهة الضيف

يمشي دروب الطيب من يعرف الطيب
والا الردي دايم من الطيب غايب

الطيب راس المال والا الردى عيب
الطيب يسعى له شبابٍ وشايب

احدٍ تسموى الذيب ويخاوي الذيب
وحدٍ وريث ارجال لكن خايب

ما يقضي الحاجات كثر المناديب
والضيف عن واجبه محدٍ بنايب

يا كبر شرهة ضيفكم يالمعازيب
من واجبه صار اكبر القوم هايب

بالذكر نسمع به زبون الاطاليب
لكن لقيت الذكر ما هوب صايب

ما قولها في الناس غيبه وكاذيب
ولاحب بهتان العرب وطلايب

بيتن دخلته ماضرى لتراحيب
البيت من دبرت هل البيت سايب

مجلسه صاير عزبة الاجانيب
تلعب به العمال لعب الهبايب

شبابهم ما يفتهم في المواجيب
وشايبهم من الكبر والزود عايب

ياحيف يا عودن ملا وجهه الشيب
ما ذكر طيبه قبل رز النصايب

الخير واجد والايادي مقاضيب
واخر زمانه للمناقيد جايب

لو عرب عياله بطيب المناسيب
ترفاه دامنه من الطيب تايب

لكن ما هاب الردى والعذاريب
راح العمر والعود ماهوب طايب

اقولها و متثبت العلم و مصيب
ما هو كلام مدورين النشايب

ونايف ومثله ياعسى شمسه تغيب
دامه عن علوم الرياجيل غايب

فعله ردي ما فيه شكن والا ريب
تشهد عليه العارفه والقرايب