شرهة الناس - ساره بنت تركي

درب السعاده والفرح وين؟ مدري
كم لي وانا في درب تكاك الانفاس
 
انام واصحى واحسب ايام عمري
حتى جمعت الدمع في عشرة اكياس
 
خمسة لشمس الحلم وخمسة لشعري
والليل باب الستر من شرهة الناس
 
ياحسرتي والهم مجتاح صدري
اكذب عليك ان قلت ماشيب الراس
 
وعلى جروح القلب يا طول صبري
طحت بهوى ناسً بلا شعور واحساس
 
راحت ثلاث اسنين والوضع مزري
امسح دموع العين واقول لاباس
 
توي صغيره واشرب المر بدري
وانا ادري ان العمر ماهوب مقياس
 
ذبحني التفكير محتار بامري
وصل بي التفكير الى حد الأفلاس
 
بصبر على ماصار ولله شكري
لو صابني من شدة الحزن وسواس
 
محدن تعذب من ردى الحظ كثري
ضاقت علي دنياي من سبة انجاس
#ساره_تركي‬⁩
© 2024 - موقع الشعر