شرهة قدر

كل الجهات الريح وين اتذرّا
كل الشتات الدرب من وين مدري !

الروح داخل لكن العمر برّا
شرهة مقاديري ولاهو بقدري

باعت وانااشري والطريق يتشرّا
لاقال واصلني ولا قال بدري

يوم المرايا تخْبر اللي تمرّا
عيّت عيوني تعترف بي وتدري

تلفح مسافات السراب اتضرّا
ياجبري الراسخ على بال كسري

الليل لابث النجوم وتعرّا
بعْضي عذر واكثر من البعض يسري

ظامي وصال وهالسنين اتّزرّا
والما .. عيونك واغلب الشوف يذري

ياهي طويله وان تطول اتحرّا
مادام عمري فوق والقاع حدري

تفنا قلوب وتستجد وتطرّا
ولازلت الاجمل بين دمي وحبري

ماقلت دونك ياالبعيد اتدرّا
ولافلسف النسيان بُعدك وعذري

وان قصّرت كف الزمان وتبرّا
ياكبرها وانت الخلاوي بصدري

تمت الإضافة بواسطة:عبدالله العجمي...