اسمحولي بالقصيده وعذروني لو تطول

اسمحولي بالقصيده واعذروني لو تطول
ودمحوها لو بكت والدمع مل اهذابها

وداولوها لو لقيتم من كتابتها قبول
وحفظو حق الفكر :- والشاعر اللي جابها

في زمن ذل العزيز وعز بالدنيا ذلول
وفرطت بنت الحمايل بالحشم وحجابها

كان ودك من وجع دنياك والضيقه حلول
صلي الخمسه وسبح والتزم بكتابها

وقوم تال - الليل وتر - دام بقيامه فضول
وسامح الغلطه لاجاتك - وحتسب بحسابها

وبتعد عن خوت - اهل الكذب وصغار العقول
والتزم بالصحبه اللي - ماتخون اصحابها

وانتبه في عرض غيرك :- لا تصول ولا تجول
واحترص من كل كلمه :- قالها كذابها

وطيع ابوك :- وعاونه لاهنت بثقال الحموول
وامك امك :- لا تضايق لو تبوس ترابها

ودام هالدنيا زوال - وكل مافيها يزول
اعتمل للجنه :- اللي فاتحت لك بابها