حاجه

لـ محمد شويطر، ، في الوطنيات

حاجه - محمد شويطر

فى حد لسه نفسه فحاجه ؟!!
حد عايز مني حاجه
طب حد شاف من مرسى حاجه !!
ولا حاجه ؟!
شوفنا النهضه ام ريش
اللى لا تفطر ولا تغديش
تعيش فقير تعيش فالجوع
أخرك مرتب إعتبره
يا عم بقشيش
حد لسه فاهم حاجه ؟؟
جاوب يا عم اللماح
طب الشهيد خلاص ارتاح !!
اتقتل بإيدين سفاح
وضيع حقه 100 سفاح
بالذمه لسه فاضل حاجه ؟؟
اه صح ,, الاسعار
مرسى خلى السعر حاجه
سعر كل مصرى منا
يساوى ست ألاف جنيه وحاجه
بس الفرنجه لو ماتو هنا
سعرهم حاجه واحنا حاجه
أصلهم عالم رايقه
واحنا ولاد المحتاجه
طبول تدق فوق راس الخلايق
واحنا رئيسنا ابن وزه عايق
قاعد يسافر
وسايبلنا قنديله
كما السنافر
كل همه فى الرضاعه
و المخابز مش مهم
والبطاله مش مهم
والاقتصاد فإنحطاط
والجماعه فإنخراط
الفساد بقى أخر حاجه
ونبى لسه فاضلكم منها
حاجه ؟؟!
© 2024 - موقع الشعر