الف حاجه / وحاجه

وبحق من غلاك .. في قلب مغليك
لا تترك المجروح .. يبطي علاجه ..!

لا تتركه ل الموت .. ودواه بيديك
عطه الأمل .. في دنية الحب ناجه ..!

ناظر تشوفه .. داعي الحب يدعيك
ب عيون من صديت .. بان إنزعاجه ..!

بعته كثير .. وصان ودك وطاريك
بستان حبك .. ماتزعزع سياجه ..!

في داخله مجنون عشق ٍ .. وله فيك
عقل ٍ .. وحاجه .. والف حاجه وحاجه ..!

عيبك غرور ٍ فيك .. بالحيل مطغيك
حبه وشوقه .. تعتبرها سذاجه ..!

وعيبه كثير الصمت .. يعجز يحاكيك
شافك .. وضيع مع دخوله خراجه ..!

إما فهمت .. ف نظرة العين تكفيك
خل الجفا والصد .. يركد عجاجه ..!

واصل مُحب ٍ .. هايم ٍ فيك يغليك
الحق عليه .. وشب طافي سراجه ..!

وإما لحقت .. ف غالي الروح تفديك
لا بوه حب .. ولعنبوها سماجه ..!